Emneord

Med eleven i sentrum
I desember 2010 vedtok Fylkestinget ny Strategisk plan for bibliotek i vidaregåande skolar i Hordaland 2011-2015. Visjonen er formulert slik: ”Med eleven i sentrum skal skolebibliotek i vidaregåande skole i Hordaland blir ein aktiv og integrert medspelar for å nå skolen sine overordna mål.”

Planen har tre strategiar med mål om betre bemanning, utvikling av tenestene gjennom kunnskaps- og erfaringsdeling og kompetanseheving, og satsing på fleire gode modellar. Fleire bibliotekarar krev meir pengar til drift.

Fylkestinget gjorde også vedtak om ein million kroner til nye stillingar i 2011. Det skal lysast ut tre stillingar, ein til Bergen Katedralskole og ein til Fyllingsdalen vgs, medan
to av storskolane, Laksevåg vgs og Årstad vgs, vil få ein bibliotekar på deling. Tilsetting blir frå 1.8.11. Frå neste skoleår av vil 14 skolar få minst ein bibliotekarstilling,
fem skolar har 50% ressurs og tre mindre skolar 20% ressurs. Fusa vgs og Osterøy vgs kjøper tenester frå folkebiblioteka. Etne vgs og Etne folkebibliotek arbeider
med eit kombinasjonsbibliotek. Dette skal realiserast når skolen og biblioteket flyttar inn vegg i vegg i nytt kulturhus, ”Skakke”, rundt neste årsskiftet. Då vil meir enn halvparten
av elevane i vgs i Hordaland ha tilgang til gode bibliotektenester.

I 2010 fekk Knarvik vgs nyopppussa, fine bibliotek i begge skolebygga. Kvinnherad investerte i heilt nytt, romsleg og lekkert bibliotek, medan nye Nordahl Grieg vgs har fått eit nydeleg bibliotek, sentralt plassert i det opne skolelandskapet. Nye Osterøy vgs har også fått eit lite, fint biblioteklokale. Bjørgvin vgs er i gang med sitt.

I løpet av våren blir planen trykt i ein illustrert kortversjon.

Det kan til tider vera einsamt å vera den einaste bibliotekaren på ein arbeidsplass. Ein har ingen å rådføra seg med. I Hordaland er det også vorte tilsett mange nye og nyutdanna bibliotekarar på biblioteka i den vidaregåande skulen.

Diskusjon i It’s learning

Underteikna vart tilsett som koordinator for skulebiblioteka i den vidaregåande skulen hausten 2006. Sidan den tid har eg arbeidd med å rettleia og hjelpa skulebibliotekarane. Eit av hjelpemidla er bruk av læringsplattformen It’s learning. Alle tilsette og elevar ved vgs i Hordaland er tilknytt It’s learning. Ein kan laga sine eigne ”fag” der. Bibliotekarane i
vgs har sitt eige ”fag”. Ein kan leggja ut fi ler, lenkjer og delta på diskusjonar i dette ”faget”. Eg legg ut informasjon som har med Mikromarc, vår felles katalog, kurs og andre ting som eg plukkar opp.

Det er også mogeleg for bibliotekarane å leggja ut informasjon. Me har t.d. bestemt at alle årsmeldingar og planar for skulebiblioteka skal leggjast der slik at ein kan sjå kva ein har gjort og vil gjera. Slik er det mogeleg å få gode tips. Det er også mogeleg å diskutera ulike tema. Diskusjonslista vert også brukt til å spørja om råd. Som regel får spørsmålstillaren
fleire svar. Diskusjonane vert lagra slik at det er mogeleg å gå inn i dei for å sjå seinare. Nokre av skulane har også eigne bibliotekfag på den enkelte skulen. Desse faga er for elevane og lærarene på dei enkelte skulane. Her vert det lagt ut boktips, lenkjetips, nye bøker på biblioteket, kjeldekritikk etc. Nokre bibliotekarar har lagt ut mykje, medan andre er i startgropa. For å dela informasjonen med dei andre bibliotekarane, så kan alle
bibliotekarane verta medlemmer. På dette viset kan ein når ein har tid, gå inn og sjå kva dei driv med på andre skular.

Erfaringsmøte og fagdagar

Ein av skulebibliotekarane tok i haust initiativet til og møtast for å diskutera og dela erfaringar. Det har vore to slike møte til no. Då møter dei som har høve til å møta.
Møta har vore uformelle, men eg trur deltakarane har tykt det har vore nyttig. På det siste møtet brukte ein også det nye videokonferanseutstyret. Slik fekk deltakarar som brukar meir tid på reisa enn på sjølve møtet høve til å delta. Trass i litt tekniske vanskar, så fungerte dette fint.

Fylkesbiblioteket har arrangert ein til to fagdagar i året. Ein prøver å ha eit tema for dagen og ein hentar inn eksterne forelesarar i tillegg til lokale krefter.